Ժողովուրդ ջան, քանի որ զանգերն ու նամակները շատ են, եկեք այստեղ պատմեմ այսօրվա արկածների մասին։
Առավոտը մամաս զանգեց, ասեց, որ երկու ոստիկան են եկել մեր տուն և ինձ են հարցնում։ Իջա, ոստիկանները տեղեկացրեցին, որ եկել են իմ՝ ֆեյսբուքյան ինչ-որ գրառման համար, բայց իրենք էլ հստակ չգիտեն թե կոնկրետ որ մեկի, խնդրեցին իրենց հետ գնալ ոստիկանության բաժին։ Համաձայնեցի։ Հասանք տեղ, պարզվեց ինձ հրավիրել են Աշոտիկի մասին գրառմանս պատճառով։ Ոստիկանները շատ շնորհքով հարցրեցին ինձանից գրառմանս պատճառը։ Ներկայացրեցի, որ անթույլատրելի եմ համարում մի շարք պաշտոնյաների կոմից կազմակերպված այդ ֆլեշմոբը, որի նպատակն է ստեղծել իբր նահանջող հայ զինվորների ֆոնին դուխով Աշոտիկի կերպար, որը հրաժարվում է նահանջել։ Նշեցի, որ համարում եմ դա խայտառակ անբարո վարքագիծ, հատկապես մեր այսօրվա ապրումների համատեքստում։ Ինձ վերագրեցին իրավախախտում, որը նախատեսված է պետական և տեղական ինքնակառավարման մարմինների և պաշտոնատար անձանց` ռազմական դրության իրավական ռեժիմի ապահովմանը և պետական անվտանգության ապահովմանն առնչվող գործողությունների քննադատմանը, հերքմանը կամ դրանց արդյունավետությունը կասկածի տակ դնելուն։ Տուգանեցին մինիմալ՝ 300.000 դրամ ))) Պետք չէ լինել իրավաբան որպեսզի պարզ լինի, որ նշածս իրավախախտումն ու Աշոտիկն նույնքան հեռու են իրարից, որքան Ալիևը՝ կիրթ մարդ լինելուց։ Ինձ օգնության հասած մեր ընկերը՝ փաստաբան
Эрик Алексанян-ը, իր վրա վերցրեց այս ծանր հանցանքի որոշումը բողոքարկելու սուրբ առաքելությունը։
Դեհ, ի՞նչ ասեմ, թող լավ ըլնեն, հորս արև
*բայց համ էլ զգույշ
